Astanada jańa áýejaı qurylysy bes jylǵa sozylýy múmkin

Bul týraly Kólik vıtse-mınıstri Talǵat Lastaev Aviation Security Week aıasynda jýrnalısterge aıtty.

Onyń sózinshe, bir aı buryn Astana qalasynyń ákimdigi, Kólik mınıstrligi jáne Sıngapýrdaǵy Changı áýejaıynyń basshylyǵy arasynda jobany súıemeldeý jónindegi memorandýmǵa qol qoıylǵan.

— Qazir jobanyń tehnıkalyq-ekonomıkalyq negizdemesi men jobalyq-smetalyq qujattamasy ázirlenip jatyr, — dedi Talǵat Lastaev.

Joba elordanyń áýejaı ınfraqurylymyn jańartýǵa baǵyttalǵan.

— Mundaı aýqymdy jobalardyń qurylysy ádette bes jyldan astam ýaqyt alady. Sondyqtan jumysty múmkindiginshe tezirek bastaýdy kózdep otyrmyz, — dedi vıtse-mınıstr.

Aıta keteıik, Astanada halyqaralyq azamattyq avıatsııa uıymynyń (IKAO) avıatsııalyq qaýipsizdik aptalyǵy ótip jatyr.

Buǵan deıin elimizde áýejaılar jańǵyrtylyp, ushaqtar parki jańaratynyn jazǵanbyz.