Astanada Jambyl oblysynyń mádenı kúnderi ótýde
ASTANA. QazAqparat - Búgin elordada "Jańarǵan Jambyldan - asqaqtaǵan Astanaǵa!" atty Jambyl oblysynyń mádenı kúnderi aıasynda is-sharalar ótedi.
Bul týraly Jambyl oblysy ákimdiginiń ishki saıasat basqarmasynyń basshysy Berik Ýálı Feısbýktegi paraqshasynda jazdy.
«Qurmetti astanalyqtar, qala qonaqtary jáne jambyldyq jerlester, dostar!
Sizderdi 12-13 shilde kúnderi elordamyzdyń 20 jyldyǵyna oraı "Jańarǵan Jambyldan - asqaqtaǵan Astanaǵa!" atty Jambyl oblysynyń mádenı kúnderi aıasynda ótetin is-sharalardy tamashalaýǵa shaqyramyz! Baǵdarlamada spektaklder men qoıylymdar, qasıetti Áýlıeatanyń óner sheberleriniń merekelik gala-kontserti, kórermender úshin kóne Tarazdan tartý retinde estelik syılyqtarǵa utys bıletteri oınatylady. Barlyq is-sharalarǵa kirý tegin. Myńjyldyqtar murasy kóne qalanyń ystyq sálemin qabyl alyńyzdar! Barlyqtaryńyzdy asyǵa kútemiz. Kelińizder, kórińizder!»,- delingen Berik Ýálıdiń jazbasynda.
Illıýstratsılyq foto
