Astanada jalpyqalalyq senbilikke 56 myńnan astam adam jumyldy
Elordada «Jasyl Astana» ekologııalyq aılyǵy aıasynda jalpyqalalyq senbilik ótip jatyr. Astananyń tazalyǵyna 56 myńnan astam qala turǵyny shyqty, dep habarlaıdy QazAqparat qala ákimdiginiń resmı saıtyna silteme jasap.
Elordada 16 qyrkúıekten 14 qazanǵa deıin «Jasyl Astana» dástúrli ekologııalyq aılyǵy ótedi. Osy jumys aıasynda qalalyq qyzmetterdi, eńbek ujymdaryn jáne belsendi qala turǵyndaryn jumyldyra otyryp, birneshe kommýnaldyq jáne jalpyqalalyq senbilik ótkiziledi.
Búgin saǵat 9:00-den bastaý alǵan jalpyqalalyq senbilikke iri, orta jáne shaǵyn bıznes ókilderi de qatysty. 200-den astam kompanııanyń qyzmetkerleri, qalanyń tazalyǵyna beı-jaı qaramaıtyn turǵyndar óz uıymdary men keńseleriniń janyndaǵy aýmaqty tazartty.
14 qazanǵa deıin jalǵasatyn senbilikterde elorda aýmaǵyn sanıtarlyq tazartý, abattandyrý jáne kógaldandyrý ótkiziledi.
Qala turǵyndary saǵat 12:00-ge deıin 110 tonnaǵa jýyq qoqys shyǵardy. Sol sııaqty 1 200-ge jýyq jasyl jelek otyrǵyzdy. Otyrǵyzylǵan jasyl jelekterdiń arasynda qaraǵash, úıeńki, qaraǵaı, butalar bar.
Aǵashtardy jınaý jáne otyrǵyzý ýchaskelerin naqtylaý úshin qala turǵyndary aýdan ákimderiniń apparattaryna kelesi telefon nómirleri boıynsha júgine alady:
Almaty aýdany: 8 747 032 65 07
Baıqońyr aýdany: 8 701 553 26 27
Saryarqa aýdany: 8 701 272 50 71
Esil aýdany: 8 778 900 18 61
Nura aýdany: 8 701 719 91 39.
