Astanada jalpyqalalyq senbilik ótýde
ASTANA. 22 qyrkúıek. QazAqparat - Búgin Astanada elorda aýmaǵyn abattandyrý, kógaldandyrý jáne sanıtarlyq tazalaý boıynsha jalpyqalalyq senbilik ótýde.
Ákimdik aqparatyna sáıkes, oǵan shamamen 70 myńǵa jýyq qala turǵyny men 3,5 kásiporyn qatysýda.
Jalpyqalalyq senbilik qoqys jınaýǵa arnalǵan 15 myń paket, 9 myń jumys qolǵaby, ákteý jáne ózge de materıaldarmen qamtamasyz etilgen.
Aktsııaǵa qatysýshylarǵa kómek retinde 300 birlik avtomashına jáne ózge de arnaıy tehnıkalar jumyldyrylady. Jospar boıynsha, senbilik aıasynda qaladan 1-1,5 myń tonna qoqys shyǵarylmaq. Senbilik barysynda jalpy aýdany 491,4 ga bolatyn saıabaqtar aýmaǵy men 220 ga gazon tazalanyp, qarasha aıynda sýburqaqtardy konservatsııalaý boıynsha daıyndyq jumystary júrgizilýde.
Sonymen qatar bul kúni 2 myńnan astam kóshet pen aǵash butalary otyrǵyzý kózdelip otyr. Aǵashtar men butalardy otyrǵyzýmen qatar gúlbaqsha men gúlzarlardy tazalaý, jasyl jelekterdi kúzgi-qysqy maýsymǵa daıyndaý boıynsha agrotehnıkalyq jumystar júrgizildi.
