Astanada jalpyqalalyq ekologııalyq senbilik ótedi (FOTO)
ASTANA. QazAqparat - «Astana-Zelenstroı» aktsıonerlik qoǵamynyń basqarma tóraǵasy Jarqyn Jumaǵulovtyń aıtýynsha, bul maýsymdaǵy alǵashqy senbilik osy senbi, 18 sáýir kúni bastalatyn bolady, dep habarlady Astana qalasy ákimdiginiń baspasóz qyzmetinen.
- Ekologııalyq senbilik qala ákiminiń qaýlysymen 13 sáýirden 13 mamyrǵa deıin jarııalanǵan bolatyn. Jalpyqalalyq senbilik 18 sáýir kúni ótedi, barlyq mekemeler, shaǵyn jáne orta bıznes ókilderi, memlekettik kásiporyndar qalany kógaldandyrý men sanıtarlyq tazartý úshin kóshege shyǵatyn bolady. Kásiporyndar 2300-den astam aǵash kóshetin daıyndap, otyrǵyzý úshin qara topyraq jetkizip qoıǵan, - dedi «Astana-Zelenstroı» AQ basqarma tóraǵasy Jarqyn Jumaǵulov. Jalpyqalalyq senbilikter ótetin bir aı ishinde 2 myńnan astam iri aǵash otyrǵyzý josparlanyp otyr. «Almaty» aýdanynda Esil ózeniniń boıyndaǵy saıabaqta 500 kóshet, №46 kóshe boıyna 611 kóshet; «Esil» aýdanynda - «Han Shatyr» SOO irgeles aýmaqqa 750 kóshet, Ilınka kentinde 224 kóshet; Saryarqa aýanynda Tilendıev dańǵylynyń boıyna 231 kóshet, sondaı-aq aýdan ákimdikteri jalań tamyrly 1690 túrli buta kóshetin otyrǵyzbaq.
