Astanada jalpyqalalyq bos jumys oryndary jármeńkesi ótedi

ASTANA. QazAqparat - 9 qarasha kúni saǵat 10:00-den 13:00-ge deıin «Jastar» saraıynda jalpyqalalyq bos jumys oryndary jármeńkesi ótedi. Oǵan elordalyq 60 jumys berýshi qatysyp, 100-den asa bos jumys oryndaryn usynady dep kútilýde.

Elordanyń Jumyspen qamtý ortalyǵynyń habarlaýynsha, osyǵan deıin ótkizilgen 11 jármeńkeniń qorytyndysy boıynsha, 400-ge jýyq adam jumysqa ornalastyryldy.

Ústimizdegi jyldyń 1 qarashasyndaǵy jaǵdaı boıynsha, ortalyq 11 679 adamǵa qyzmet kórsetken, sonyń ishinde 6974 turǵyn jumys oryndarymen qamtamasyz etildi, olardyń qatarynda turaqty jumysqa, jastar tájirıbesine, qoǵamdyq jumystarǵa jiberilgender jáne áleýmettik jumyspen qamtylǵandar bar. Qazirgi ýaqytta qalalyq Jumyspen qamtý ortalyǵynyń bazasynda 3654 bos jumys orny jáne 1430 jumys berýshi bar. Mamandardyń aıtýynsha, ortalyq jańa jumys oryndaryn engizý boıynsha belsendi jumys júrgizýde. Búgingi kúni ortalyqtyń málimetter bazasynda 15 719 jańa jumys orny bar, dep habarlaıdy Astana ákimdiginiń resmı saıty.