Astanada jalǵan polıtseı jezókshelerden aqsha bopsalaǵan
ASTANA. QazAqparat – Elordada aqsha bopsalaýmen aınalysqan jalǵan polıtseı ustaldy, dep habarlaıdy QazAqparat Polisia.kz saıtyna silteme jasap.
Kúdikti polıtsııa departamentiniń qyzmetkerleri júrgizgen arnaıy operatsııa barysynda ustalǵan. 23 jastaǵy jigittiń jeńil júristi qyzdardy qorqytyp, olardan aqsha alǵany anyqtaldy. Ol polıtsııa qyzmetkeriniń jalǵan qyzmettik kýáligin kórsetip, aqshany qylmystyq jaýapkershilikke tartamyn degen jeleýmen talap etken.
Polıtseıler jigitti qaladaǵy páterlerdiń birinde jábirlenýshiden 20 myń teńge alyp jatqan jerinen ustady. Jeke tintý kezinde odan polıtsııa qyzmetkeriniń kýáligi men aqsha tárkilendi. Qazirgi ýaqytta atalǵan fakti boıynsha sotqa deıingi tergeý amaldary júrgizilip jatyr.
Foto: polisia.kz
