Astanada jalǵan lańkestik faktisi jóninde aqparat taratqan er adam ustaldy - QR BKP
ASTANA. 21 qańtar. QazAqparat - Astanada jalǵan lańkestik faktisi jóninde aqparat taratqan er adam ustaldy, dep habarlandy QR Bas kólik prokýratýrasynyń baspasóz qyzmetinen.
Aǵymdaǵy jyldyń 17 qańtarynda shamamen saǵat 20.00-de «Astana qalasynyń halyqaralyq áýejaıy» AQ-nyń anyqtama bıýrosyna uıaly telefonnan belgisiz er adam habarlasty. Ol «Astana-Ystambul» baǵyty boıynsha ushýy tıis №917 reısiniń bortynda B. esimdi azamat ushaqqa jarylǵysh zat alyp kirgenin habarlady.
Áýe kemeni tekserý nátıjesi boıynsha qandaı da bir qaýipti jarylǵysh zat tabylmady.
Jedel-izdestirý sharasyn ótkizý barysynda M. esimdi azamat anyqtalyp, ustaldy.
QR QK-niń 242 baby boıynsha (lańkestik aktisi jóninde jalǵan aqparat taratý) qylmystyq is qozǵaldy. Bul bap 6 jylǵa deıin bas bostandyǵynan aıyrý jazasyn qarastyrady.
Ústimizdegi jyldyń 19 qańtarynda Astana qalasy Esil aýdanynyń №2 sotymen Astana qalasy avıatsııalyq kólik prokýratýrasynyń qoldaýhatymen M. esimdi azamatqa qatysty «qamaýǵa alý» bultartpaý sharasy qoldanyldy. Tekserý amaldarynyń barysy jiti baqylaýǵa alyndy.
