Astanada jalǵan lańkesti 1,5 jylǵa sottady
ASTANA. QazAqparat - Astana turǵyny lańkestik ázirlenip jatqany jaıly jalǵan habarlama úshin 1,5 jylǵa sottaldy.
Astana qalasy Almaty aýdanynyń №2 sotynda QR QK 273-baby (lańkestik týraly kórineý jalǵan habarlama) boıynsha B.-ǵa qatysty qylmystyq is qaraldy.
Sot talqylaýy barysynda 2016 jylǵy 24 naýryzda B. mas kúıinde Astana qalasy ІІD Jedel basqarý ortalyǵyna qońyraý shalyp, lańkestik akti daıyndalyp jatqany týraly jalǵan habarlama bergen.
«Óziniń qylmystyq áreketimen sottalýshy ІІD, TJD arnaıy qyzmetteri jáne «Qalalyq jedel medıtsınalyq kómek stansasy» ShJQ-daǵy MQK atynan memleketke materıaldyq shyǵyn keltirdi», - dep málimdedi sottyń baspasóz qyzmeti.
Sot úkimimen er adam aıypty dep tanylyp, oǵan 1 jyl 6 aıǵa bas bostandyǵynan aıyrý jazasy taǵaıyndaldy.
Úkim zańdy kúshine engen joq.
