Astanada jalǵan qujatpen páter satatyn alaıaqtar júr
ASTANA. QazAqparat - Elordalyq polıtseıler qaladaǵy elıtaly turǵyn úı keshenderiniń páterlerin jalǵan qujat jasaý arqyly satyp, iri kólemde paıda tapqan kúdiktini ustady. Bul jaıynda Astana qalalyq ishki ister departamentiniń baspasóz qyzmetinen málim etti, dep habarlaıdy QazAqparat.
«Esil aýdandyq ishki ister basqarmasy krımınaldyq polıtsııa bóliminiń qyzmetkerleri júrgizgen jedel izdestirý barysynda alaıaqtyq jasady degen kúdikpen Shyǵys Qazaqstan oblysynyń 35 jastaǵy turǵyny ustaldy. Ol jalǵan qujattar jasaý arqyly elıtaly turǵyn úı keshenderiniń páterlerin qaıta rásimdep satqan. Polıtsııaǵa «Lessor 2020» JShS-nan belgisiz adamnyń «Soltústik shuǵylasy» turǵyn úı keshenindegi páterdi qaıta rásimdep, 44 mln teńgege satqany týraly shaǵym túsken. Dál osyndaı tásilmen atalǵan keshendegi taǵy bir páter 45 mln teńgege satylǵan. Jedel izdestirý sharasy barysynda kúdiktiniń ótken jyldyń qazanynda Dostyq kóshesi boıyndaǵy páterdi qaıta rásimdep, 86 mln teńgege satqany anyqtaldy», - delingen taratylǵan aqparatta.
Ustalǵan kúdikti Astana qalalyq ІІD ýaqytsha oqshaýlar ortalyǵyna qamaldy. Jedel tergeý sharalary júrgizilýde. QR QK «alaıaqtyq» baby boıynsha sotqa deıingi tergeý amaldary qolǵa alynǵan.
Astana qalalyq ishki ister departamenti azamattarǵa saq bolýdy, qujattardy úshinshi tulǵalarǵa bermeýdi jáne alaıaqtardyń sózine aldanyp qalmaýdy eskertedi.
Eger alaıaqtyń qurbanyna aınalsańyz myna telefon nómerlerine habarlasyńyz: 8 (7172) 71-65-51, 8 (7172) 71-65-50, uıaly tel.: 8 775 215 47 38.
