Astanada jalǵan qujatpen 15 jasar aýǵan azamaty ustaldy
ASTANA. QazAqparat - «Astana» shekaralyq baqylaý otrıadynyń baqylaýshylary jalǵan qujat kórsetken 15 jastaǵy Aýǵanstan eliniń azamatyn ustady, dep habarlaıdy QR UQK Shekara qyzmetiniń baspasóz qyzmetinen.
«Bishkek - Astana» baǵytyndaǵy KS 152 halyqaralyq áýe reısin rásimdeý kezinde 1994 jyly týylǵan Danııa azamatynyń atyna berilgen jalǵan qujat anyqtaldy.
Kúdikti jolaýshy Qazaqstan arqyly tranzıtpen ushyp bara jatqan bolyp shyqty. Onyń aıtýynsha, Kabýl qalasynan Bishkekke ushyp kelipti, odan Astanaǵa kelip, budan ári Londonǵa, Gannoverge ushýdy josparlaǵan. Teksere kelgende, jolaýshynyń qolynda tranzıttik bıleti men ushaqqa otyrǵyzý talony bolmaı shyqty.
Qazir jedel tergeý amaldary júrgizilýde.
