Astanada jalǵan aqparat taratýǵa qatysty 3 qylmystyq is qozǵaldy – polıtsııa

NUR-SULTAN. QazAqparat - Nur-Sultan qalasy polıtsııa departamentiniń basshysy, elorda komendanty Erjan Sádenov astanalyqtardan jalǵan aqparat taratpaý kerektigin eskere otyryp, tek resmı derekke senýge shaqyrdy, dep habarlaıdy QazAqparat tilshisi.

«Ókinishke qaraı, jalǵan aqparat taratý derekteri tirkelip jatyr. Qazirgi tańda atalǵan aıypqa sáıkes 3 qylmystyq is qozǵaldy. Eske sala keteıin, jalǵan aqparat taratyp, ol rastalǵan jaǵdaıda Qylmystyq kodekstiń 274-babyna sáıkes 7 jylǵa deıin bas bostandyǵynan aıyrý jazasy kózdelgen. Osyǵan oraı, tótenshe jaǵdaı kezinde ákimshilik nemese qylmystyq quqyqbuzýshylyq úshin jaýapkershiliktiń kúsheıtilgenin taǵy da eskertemin», - dep jazdy Erjan Sádenov Facebook paraqshasynda.

Sondaı-aq, polıtsııa departamentiniń basshysy elorda jurtyn tek resmı derekke senýge shaqyrdy.

«Azamattardy tynyshtyqty saqtap, zań buzýshylyqtarǵa jol bermeýge shaqyramyn. Jáne komendanttyq saǵat erejesin buzbaýdy suraımyn», - deıdi ol.

Buǵan deıin qala komendanty tótenshe jaǵdaı rejımin buzǵan 200 astanalyqtyń jaýapkershilikke tartylǵanyn aıtqan edi.