Astanada jalǵa beriletin páterge ıe bolǵandardyń tizimi jarııalandy
ASTANA. KAZINFORM — Astanada satyp alý quqyǵynsyz jalǵa beriletin turǵyn úı ıeleriniń tizimi shyqty.
Tizimdi myna siltemeden kórýge bolady.
Elordalyq turǵyn úı ınspektsııasy basqarmasynyń saıtynda kópbalaly otbasylar, jetim balalar, ata-ana qamqorlyǵynsyz qalǵan balalar jáne halyqtyń áleýmettik osal toptary sanattaryna jalǵa beriletin baspana baǵdarlamasynyń nátıjesi jarııalanǵan.
Úsh sanattyń árqaısysyndaǵy tizimder ekige bólinedi: ótken jáne ótpegen.
Halyqtyń áleýmettik osal toptarynyń sanattary úshin qalǵan 76 bir bólmeli páter boıynsha irikteý jalǵasyp jatyr.
Baǵdarlama boıynsha ótken azamattarǵa turǵyn úı ortalyǵynyń qyzmetkerleri habarlasyp, odan ári qaraıǵy is-qımyldy túsindiredi.
«Alaıaqtyq jaǵdaılarynyń kóbeıýine baılanysty turǵyndardan óte saq bolýdy ótinemiz» deıdi ákimdikten.
Óıtkeni turǵyn úı ortalyǵynyń qyzmetkerleri telefon shala otyryp, eshqashan kredıt, qaryz óteýdi, úı berý úshin buǵatty alyp tastaýdy suramaıdy.
