Astanada jalaqylaryn ala almaı júrgen jumyskerlerdiń 50 paıyzy zańdy aqshalaryna qol jetkizdi - prokýratýra
ASTANA. 7 qańtar. QazAqparat - Astananyń Almaty aýdany boıynsha jalaqylaryn ala almaı júrgen jumyskerlerdiń 50 paıyzy zańdy aqshalaryna qol jetkizdi. Bul týraly búgin «QazAqparat» tilshisine Astana qalasynyń Almaty aýdany prokýrorynyń orynbasary Sabyrjan Ońalbaev málim etti.
«2012 jyly aýdan prokýratýrasymen osy baǵytta birqatar sharalar qolǵa alyndy», - deıdi S.Ońalbaev.
Onyń aıtýynsha, aýdan prokýratýrasymen jalaqy keshiktirilgen mekemelerge apta saıyn tıisti monıtorıng júrgizilip otyrady.
«2012 jyly Almaty aýdany boıynsha jalpy somasy 309,9 mln. teńgege 1 211 jumyskerdiń jalaqy qaryzdary anyqtalǵan. Prokýratýranyń iske aralasýymen 521 jumysshyǵa 81,9 mln. teńge soma bereshek qaıtaryldy. Bul oraıda, prokýrorlyq yqpal etý aktileri boıynsha sot aktilerin oryndamaǵany úshin 4 mekeme basshysyna 35 mln. teńgeden asatyn ákimshilik aıyppul salyndy. Atqarýshylyq is júrgizý organy tarapyna 25 prokýrorlyq qadaǵalaý aktisi engizilip, 5 laýazym ıesi tártiptik jaýapkershilikke tartyldy. Júrgizilgen tekserýlerdiń nátıjesi boıynsha jalaqy tóleýdi birneshe ret kidirtkenderge qatysty 2 qylmystyq is qozǵaldy», - dep túıdi sózin vedomstvo basshysynyń orynbasary.
Qazirgi ýaqytta qylmystyq ister Astana qalasynyń ІІD-de aýdan prokýratýrasynyń baqylaýymen tergelý satysynda.
