Astanada Jaqsylyq Úshkempirovty eske alýǵa arnalǵan týrnır ótip jatyr
NUR-SULTAN. QazAqparat - Elordada Jaqsylyq Úshkempirovty eske alýǵa arnalǵan halyqaralyq týrnır ótip jatyr, dep habarlaıdy QazAqparat.
Bul jaıynda Prezıdenttiń baspasóz hatshysy Berik Ýálı habarlady.
«Búgin grek-rım kúresinen tuńǵysh qazaq olımpıada jáne álem chempıony, Qazaqstannyń eńbek eri Jaqsylyq Úshkempirovke arnalǵan halyqaralyq týrnır bastaldy» dep jazdy Berik Ýálı Facebook paraqshasynda.
Eske sala keteıik, biz buǵan deıin 7-9 mamyr kúnderi grek-rım kúresinen qazaqtan shyqqan tuńǵysh Olımpıada chempıony, Eńbek eri Jaqsylyq Úshkempirovti eske alýǵa arnalǵan halyqarlyq týrnır ótetinin habarlaǵan bolatynbyz.
2001-2003 jyly týǵan jasóspirimder arasynda ótetin týrnırde balýandar 55, 60, 63, 67, 72, 77, 82, 97, 130 keli salmaq dárejesinde baq synaıdy.
Baıraqty básekege Qazaqstan, Reseı, Grýzııa, Ýkraına, Tájikstan, Qyrǵyzstan jáne Ózbekstan elderinen 250-den asa sportshy qatysady.
Jarys jeńimpazdary men júldegerleri dıplom, medaldarmen marapattalady.
Eldegi karantın talaptaryna sáıkes halyqaralyq týrnır jankúıersiz ótedi. Kórermender jarysty Qazsport arnasynan tikeleı efırde tamashalaı alady.
