Astanada «Jaqsy dáriger» fotokórmesi ashyldy
ASTANA. QazAqparat - QR Ulttyq mýzeıinde «Jaqsy dáriger» fotokórmesi ashyldy. Erekshe kórmeni qoǵamdyq densaýlyq saqtaý basqarmasy men qalalyq № 2 kópbeıindi aýrýhana uıymdastyrdy, dep habarlaıdy Astana ákimdiginiń resmı saıty.
Kórmede astanalyq dárigerlerdiń obrazyn asha túsetin júzden asa jumys usynyldy. Fotograf Marat Amırov óz sýretterinde medıtsına qyzmetkerleriniń kúndelikti jumysyn, olardyń ota jasap jatqanyn, konsýltatsııa júrgizgendigin, mamandardyń qabyldaýyndaǵy sátterdi barynsha shynaıy etip jetkizýge tyrysqan.
№ 2 qalalyq kópbeıindi aýrýhanasynyń bas dárigeri Ivan Lıdiń aıtýynsha, shara dáriger mamandyǵynyń bedelin kóterýge jáne patsıentterdiń medıtsına mamandaryna degen senimdilik deńgeıin arttyrýǵa baǵyttalǵan. 
Kórmeni uıymdastyrýshylar kún saıyn aýrýhanada onshaqty dáriger júzdegen adamǵa qajetti kómek kórsetetinin, olarǵa ómir men qýanysh syılaıtynyn aıtady.
«Jaqsy dáriger» fotokórmesiniń ashylý saltanaty QR eńbegi sińgen qaıratkerleriniń, «Serper» jastar syılyǵynyń júldegerleri jáne «Astana mıýzıkl» teatry ártisteriniń qatysýymen ótken kontserttik baǵdarlamaǵa ulasty.
Aıta keteıik, shara QR Tuńǵysh Prezıdenti kúnin merekeleý sheńberinde ótti.
