Astanada jabyq fýtbol maneji ashylady
ASTANA. QazAqparat - Naýryz aıynyń sońynda elordada jabyq fýtbol maneji ashylady. Onda eki shaǵyn fýtbol alańy bar, dep habarlaıdy QazAqparat qala ákimdiginiń saıtyna silteme jasap.
Fýtbol maneji Esil aýdanyndaǵy E10 jáne E-29 ( «Qulager» TK, Taldykól jaǵalaýyna jaqyn) kósheleriniń qıylysynda ornalasqan. Nysannyń resmı ashylýy naýryz aıynyń sońyna josparlanyp otyr.
«Alań 10 jastaǵy balalarǵa, jastarǵa jáne fýtbolmen aınalysatyn eresekterge arnalǵan. Manej aýmaǵynda eki shaǵyn fýtbol alańy jáne jýynatyn bólme, kıim aýystyratyn bólme jáne ákimshilik keńsesi ornalasqan. Alańdardy jalǵa alýǵa bolady», - delingen «SPK Astana» AQ baspasóz qyzmetiniń habarlamasynda.
