Astanada J. Táshenovtiń 100 jyldyǵy atalyp ótti (FOTO)
ASTANA. QazAqparat - Búgin Astanadaǵy Ulttyq mýzeıde QR Mádenıet jáne sport mınıstrliginiń qoldaýymen Qazaqstannyń memlekettik qaıratkeri Jumabek Táshenovtiń 100 jyldyq mereıtoıyna arnalǵan saltanatty shara bolyp ótti.
Shara barysynda uıymdastyrýshylar belgili memleket qaıratkeri Jumabek Táshenovtiń ómiri men qyzmeti týraly kitaptyń kórmesin ótkizdi. Jıynǵa qaıratkerdiń qyzmetin zertteýshiler, tanymal birtaýar tulǵanyń jaqyndary, týystary qatysty.
Esterińizge sala keteıik, Jumabek Táshenov kezinde Keńes odaǵyn ashsa alaqanynda, jumsa judyryǵynda ustap turǵan N. Hrýşevtyń «bólip al da, bıleı ber» degen áperbaqan saıasatyna qarsy turyp, babalarymyz amanat etip ketken qazaqtyń qasıetti jerin qorǵap qalǵan ult qaıratkeriniń biregeıi. Ol sol kezdegi partııalyq-repressııalyq saıasatqa bilimi men biliktiligin, ulttyq namysy men parasattylyǵyn qarsy qoıa bilgen tulǵa.
Budan bólek, Jumabek Tashenov Qazaq SSR mınıstrler Keńesiniń tóraǵasy bolyp qyzmet etti. 1960 jyldyń sońyna taman Tyń ólkesi retinde Qazaqstannyń soltústiktegi bes oblysyn biriktirip, ony Qazaqstan quramynan shyǵarý týraly pikirge ashyq qarsy shyqty. Halyq aldyndaǵy erekshe eńbegi úshin Lenın, Eńbek Qyzyl Tý ordenderimen de marapattalǵan.
