Astanada J. Moldaǵalıevtiń «Men qazaqpyn» poemasyn talqylaýǵa arnalǵan dóńgelek ústel ótti
STANA. Qyrkúıektiń 28-i. QazAqparat - Búgin elordadaǵy QR Ulttyq akademııalyq kitaphanasynda «Bir el - bir kitap» aktsııasyna arnalǵan «Juban jyry: rýh pen birlik jarshysy» atty dóńgelek ústel jıyny ótti.
Oǵan QR Parlamentiniń depýtattary, zııaly qaýym ókilderi, jazýshylar men aqyndar qatysty.
Jıynnyń basty maqsaty - «Men qazaqpyn» poemasynyń qazaqtyń rýhanı murasynda, azamattyq qoǵamdy nyǵaıtýda jáne halyqtar arasyndaǵy birlikke tıgizgen ólsheýsiz mańyzy men ornyn aıqyndaý.
Qazaqstanda «Bir el - bir kitap» jobasy QR Ulttyq akademııalyq kitaphananyń, Mádenıet mınıstrliginiń jáne Qazaqstannyń Kitaphanalar qaýymdastyǵynyń uıymdastyrýymen jyl saıyn ótkiziledi. Bıyl jobanyń aıasynda Juban Moldaǵalıevtiń «Men qazaqpyn» poemasy oqýǵa tańdaldy.
Uıymdastyrýshylardyń aıtýynsha, Qazaqstanda aktsııa aıasynda qyrkúıektiń 22-si men 28-i aralyǵynda birqatar sharalar ótkiziledi. Osymen qatarynan 4-shi jyl qatarynan ótkizilip jatqan shara kezinde barlyq kitaphanalar men oqý oryndarynda, mektepterde kitap kórmeleri, ádebı keshter, zertteýshiler men ádebıettanýshylarmen kezdesýler uıymdastyrylyp, osy shyǵarmany nasıhattaý boıynsha kitap oqýshylar konferentsııasy, ashyq sabaqtar ótedi.
Atalǵan aktsııa aqıyq aqyn Jubannyń týǵanyna 90 jyl tolýymen tuspa-tus kelip otyr.
