Astanada J.Ahmetbekovtyń respýblıkalyq saılaýaldy shtaby ashyldy
ASTANA. 3 naýryz. QazAqparat /Arman Asqarov/ - Búgin Astanada Qazaqstannyń halyqtyq kommýnıstik partııasynyń ókili, prezıdenttikke kandıdat Jambyl Ahmetbekovtyń respýblıkalyq saılaýaldy shtaby ashyldy. Osyǵan oraı Kommýnıstik partııa ókilderi arnaıy baspasóz máslıhatyn uıymdastyrdy.
J.Ahmetbekovtyń aıtýynsha, saılaýaldy naýqan barysynda ol jáne onyń úgit-nasıhat toptary elimizdiń shalǵaı óńirlerin aralap, áleýmettik jaǵynan az qorǵalǵan azamattardyń ózekti máselelerin kóteretin bolady. «Bizdiń negizgi maqsatymyz - halyqtyń únin úkimetke jetkizý. Biz partııanyń qataryna azamattardy kóptep tartýdy kózdemeımiz. Biz qarapaıym halyqtyń turmys-tirshiligin jaqsartýdy qoldaımyz», - deıdi J.Ahmetbekov.
J.Ahmetbekovtyń respýblıkalyq saılaýaldy shtabynyń jetekshisi qyzmetine Kommýnıstik partııanyń Soltústik Qazaqstan oblystyq komıtetiniń birinshi hatshysy Dáýken Temirbaev taǵaıyndaldy.
Aıta keteıik, prezıdenttikten úmitker J.Ahmetbekovtyń kandıdatýrasy aqpannyń 14-i kúni Qazaqstannyń halyqtyq kommýnıstik partııasynyń atynan usynylǵan bolatyn. Aqpannyń 25-si kúni onyń atyna saılaýshylardyń 95 myńnan astam qoly jınalyp, aqpannyń 26-sy kúni J.Ahmetbekov Ortalyq saılaý komıssııasynyń resmı tirkeýinen ótken bolatyn.
