Astanada zeınetkerlerge arnalǵan shaǵyn ortalyq ashyldy
ASTANA. QazAqparat - Astanada zeınetkerlerge arnalǵan shaǵyn ortalyqtyń (Kúıshi Dına k-si, 25/1) saltanatty ashylýy ótti.
Bul 24 myńnan astam ardager turatyn «Almaty» aýdanyndaǵy 16-shy demalys orny, dep habarlaıdy ákimdiktiń resmı saıty.
«Búgingi shara Qazaqstan Respýblıkasy Táýelsizdiginiń 25 jyldyǵy qarsańynda ótip jatyr. «Elbasy atap ótkendeı, Táýelsizdik zamany - jasampazdyq pen isterdiń uly joly. Birlik pen turaqtylyq - egemendi Qazaqstannyń myzǵymas negizin qalaıtyn basty qundylyqtarymyz», - dedi «Almaty» aýdanynyń ákimi Ádilbek Sársembaev shara barysynda.
Shara aıasynda elordanyń damýyna, sondaı-aq jastardy patrıotızmge tárbıeleýge eleýli úles qosqan belsendi 25 ardagerge alǵys hattar men estelik syılyqtar tabystaldy. 
