Astanada zeınetkerlerge arnalǵan «Sánııa» demalys ortalyǵy ashyldy
ASTANA. QazAqparat - Astanada Almaty aýdanynyń Ardagerler keńesi janynan zeınetkerlerge arnalǵan «Sánııa» shaǵyn demalys ortalyǵy ashyldy, dep habarlanǵan elorda ákimdiginiń resmı saıtynda.
Qarııalar jańa shaǵyn ortalyqta demalys ýaqyttaryn shahmat, doıby oınap tıimdi ótkizedi, sondaı-aq saýyqtyrý gımnastıkasymen shuǵyldanyp, án aıtyp, ortalyq janynan ashylǵan kitaphanada kitap oqıdy. Sonymen qatar jetkinshek qyz balalardy toqý, tigý ónerine, as mázirleýge úıretip, jastardy dástúrli tárbıege baýlý josparlanyp otyr. Aıta keteıik, búgingi tańda aýdan kóleminde 6 shaǵyn ortalyq jumys isteıdi. Onyń árqaısysyna Astananyń damýyna óz úlesin qosyp, el ıgiligine eńbek etken 75 jýyq qarııa baryp turady.
