Astanada zeınetkerlerge arnalǵan demalys orny ashyldy
ASTANA. 8 maýsym. QazAqparat - Elordadaǵy «Kúıshi Dına» shaǵyn ortalyǵy alǵashqy qonaqtaryn qabyldady. Zeınetkerler men ardagaerler úshin bul jerde demalys orny uıymdastyrylǵan, dep habarlady astana.kz saıty.
Adamdar kitap, gazet-jýrnal oqyp, shahmat, doıby, domıno oınaı alady jáne bir shyny shaı iship, sońǵy jańalyqtardy talqylaıdy. Munda ártúrli týrnırler ótkizilmek, týǵan kúnder men merekeler atap ótilmek.
«Olar kúni boıy páterlerinde otyrady, teledıdardan basqa qarym-qatynas joq. Al munda jıyn, jurtpen shúıirkelesip, demalatyn jer, shahmat, doıby, loto jáne domıno oınaıdy, gıtara, dombyra tartady», - dedi «Kúıshi Dına» ardagerler uıymynyń tóraǵasy Máken Qaıyrov.
Ortalyqtyń ashylýy - ardagerler uıymynyń tóraǵasy Máken Qaıyrovtyń eńbegi, deıdi zeınetkerler. Jertóleni «AstanaTurǵynúıQyzmet» kompanııasy tegin bóldi. Gıtarada, dombyrada oınaý sabaqtaryn zeınetkerlerdiń ózderi tegin ótkizedi. Basqosý aptasyna úsh ret kúnine eki saǵat - tústen keıin saǵat 16-dan saǵat 18-ge deıin uıymdastyrylady. Kún saıyn ortalyqqa 25 adam bara alady. Almaty aýdanynda barlyǵy 23 myń egde jastaǵy adamdar turady.
«Bul adamdardy shoǵyrlandyrady, qarym-qatynas, ómirge qyzyǵýshylyq bolady», - dedi zeınetker Tatıana Levchenko.
«Bizge, qarttarǵa, ardagerlerge jasalǵan bul qamqorlyq - óte tamasha. Mindetti túrde shahmattan jáne doıbydan týrnırler ótkizemiz jáne ótken jáne qazirgi ómirimiz jaıly syr shertisemiz», - dedi zeınetker Ǵalymbek Dosanov.
Almaty aýdanynda barlyǵy tórt osyndaı ortalyq ashylady. Biraq, qazirdiń ózinde ony kórýge qalanyń basqa aýdandarynan ardagerler uıymdarynyń basshylary keldi. Olar dál osyndaı demalys orny jaqyn ýaqytta olarda da paıda bolatynyna senedi.
