Astanada zeınetkerlerdi tonap kelgen ury áıelder ustaldy
ASTANA. QazAqparat - Astanada egde jastaǵy adamdardyń qaltasyna qol suǵyp júr dep aıyptalǵan eki kúdikti ustaldy, dep habarlaıdy QazAqparat Astana ІІD baspasóz qyzmetine silteme jasap.
Olar Pavlodar oblysynan kelgen 19 jastaǵy qyz ben 58 jastaǵy áıel bolyp shyqty.
«Kúdiktilerdiń elorda aýmaǵyndaǵy birneshe urlyq deregine qatysy bar ekeni anyqtaldy. Olar negizinen egde jastaǵy adamdardy Qazposhta bólimsheleriniń, bankomattardyń mańynda, úılerdiń kireberisi men lıftide ańdyp júrip, tonaǵan. Bul ekeýi uıymdasa áreket etken: biri eshteńeden kúmándanbaıtyn qarııalardy túrli suraqtarmen alańdatyp, ekinshisi bul kezde olardyń qaltasyna qol salatyn bolǵan. Saýda ortalyqtarynda da adamdardyń beıqamdyǵyn paıdalanyp, aqsha toly ámııandaryn, telefondaryn, basqa da qundy buıymdaryn urlaǵan», - deıdi polıtseıler.
Qazirgi kezde kúdiktiler tergeý ızolıatoryna jiberildi. QR QK 188-babyna sáıkes sotqa deıingi tergep-tekserýler júrip jatyr. Olardyń qala aýmaǵyndaǵy basqa da osy taqylettes qylmystarǵa qatysy bar-joǵy anyqtalýda.
Astana ishki ister departamenti osy tulǵalardyń áreketinen jábir kórgenderden Beıbitshilik kóshesi, 19-úıde ornalasqan ІІD-ge habarlasýyn nemese 8(7172)71-61-71, 87751888870 nómirlerine qońyraý shalýyn suraıdy.
Eske sala keteıik, keshe Rýdnyıda qart zeınetkerlerdi tonaýdy ádetke aınaldyrǵan jigittiń ustalǵany týraly habarlaǵan bolatynbyz.
