Astanada zańsyz jalǵa beriletin 1200 páter anyqtaldy
ASTANA. QazAqparat - Elordada zańsyz jalǵa beriletin shamamen 1200 páter anyqtaldy. Bul týraly Astana qalasy ІІD Jergilikti polıtsııa qyzmetinen málim etti, dep habarlaıdy QazAqparat.
Aıta keteıik, 2017 jyldyń 10 qyrkúıeginen bastap 1 jeltoqsanǵa deıin Astanada «Ýchaske» jedel aldyn alý is-sharasy ótýde. Sharaǵa Astana qalasy Іshki ister departamentiniń barlyq bólimsheleriniń jeke quramy men QR ІІM Ulttyq ulanynyń áskerı qyzmetkerleri qatysýda. Іs-sharanyń maqsaty - ýchaskelik ınspektorlardyń, kóshi-qon, krımınaldyq jáne patrýldik polıtsııa, sonyń ishinde jedel áreket etýshi bólimshelerdiń jáne basqa qyzmetterdiń kúshterimen árbir ákimshilik ýchaskede quqyq buzýshylyqtardyń aldyn alý boıynsha jumystyń qarqynyn arttyrý.
«Ýchaske» jedel aldyn alý is-sharasy bastalǵaly ýchaskelik ınspektorlar 115 myńnan astam páterdi jáne 9000-nan astam jeke úıdi aralap shyqty. ІІO tirkeýinde turǵan shamamen 4500 azamat turǵylyqty jeri boıynsha tekserildi. Sondaı-aq, 7000-nan astam azamattyq qarý ıegeri tekserilip, onyń ishinde 57 qarýdy saqtaý erejelerin buzý anyqtaldy. Ýchaskelik ınspektor shamamen 312-den asa ákimshilik ýchaskede halyq aldynda esep berdi», - delingen taratylǵan aqparatta.
Vedomstvo málimetinshe, is-shara júrgizilý barysynda zańsyz jalǵa beriletin shamamen 1200 páter tirkelip, aqparat Memlekettik kiris departamentine jiberildi. Turǵylyqty jeri joq 36 azamat qabyldap-taratý ornyna jetkizildi. Jalpy «Ýchaske» jedel aldyn alý is-sharasy bastalǵaly ákimshilik jaýapkershilikke 9400-den astam adam tartylǵan.
