Astanada zańsyz turyp jatqan 1 myńǵa jýyq sheteldik ustaldy
ASTANA. 30 qyrkúıek. QazAqparat - Elordada «Nelegal» jedel aldyn alý is-sharasy aıasynda 969 sheteldik anyqtalyp, ákimshilik jaýapkershilikke tartyldy. Bul týraly astana.kz saıtyna qalalyq ІІD baspasóz qyzmetinen habarlady.
Vedomstvonyń habarlaýynsha, 18 adam sot sheshimimen, sonyń ishinde 4 sheteldik azamattyq sot isiniń tártibi boıynsha elden alastatyldy. Ákimshilik zańnamany buzǵany úshin 79 Qazaqstan azamaty jaýapkershilikke tartyldy. Operatsııa barysynda tulǵasyn anyqtaý úshin ІІD qabyldaǵysh-taratqyshyna 159 sheteldik jetkizildi, elimizde júrýge negiz bolmaǵandyqtan 478 sheteldiktiń ýaqytsha kelý merzimi qysqartyldy. Sonymen qatar, kóshi-qon zańnamasyn qasaqana buzǵany úshin shetel azamattaryna qatysty 4 qylmystyq is qozǵaldy.
«Nelegal-2013» jedel-aldyn alý is-sharasy aıasynda elordalyq polıtseıler shetel azamattary keletin jáne turatyn oryndarda, atap aıtqanda, bazarlar, qurylys oryndary, avtoturaqtar, turǵyn úı jáne saıajaı alaptary, jataqhanalarda reıdtik jumystar júrgizildi. Kóshi-qon zańnamasyn buzýshylardy anyqtaý maqsatynda halyqqa qyzmet kórsetý jáne tamaqtaný oryndary, meıramhanalar, dámhanalar, kólik jýý men TQS, kókónis pavılondary, qonaqúıler tekserildi
Atalǵan is-shara nátıjesinde polıtsııa qyzmetkerleri 1909 nysan, sonyń ishinde 88 bazar men saýda oryndary, 737 páter men jeke menshikti úıler, 123 saıajaı ýchaskesi, 99 jataqhana, 404 qurylys alańy men 458 sheteldikter keletin basqa da oryndar tekserildi.
