Astanada zańsyz pırotehnıkalyq ónimmen kúres kúsheıtildi
ASTANA. QazAqparat - Astanada tártip saqshylary zańsyz pırotehnıkalyq ónimdi saýdalaýmen kúresti kúsheıtti, dep habarlaıdy QazAqparat ІІD-niń baspasóz qyzmetine silteme jasap.
«Astana qalalyq ІІD-niń Ákimshilik polıtsııa basqarmasynyń qyzmetkerleri jańa jyldyq mereke kúnderiniń qarsańynda pırotehnıkalyq ónimdi saqtaý tártibi, esepke alý, tasymaldaý, ákelý jáne shyǵarýdy baqylaý jumysy kúsheıtildi. Astana ІІD baspasóz qyzmetiniń basshysy Sofıa Qylyshbekovaǵa silteme jasap
«Pırotehnıkalyq ónimderdi zańsyz satý boıynsha polıtsııa qyzmetkerleri kúndelikti saýda oryndaryn tekserip, sertıfıkattalmaǵan ónim kóterme saýda jetkizýshilerin anyqtaý boıynsha is-sharalar júrgizýde. Pırotehnıkalyq ónimderdi satý tek qana tıisti lıtsenzııasy bar arnaıy mamandyrylǵan dúkender arqyly júzege asyrylady», - dedi Ákimshilik polıtsııa basqarmasynyń bólim bastyǵy Baǵlan Qazbekov.
Balalardyń jaraqat alýyna jol bermeý maqsatynda qoǵamdyq tártipti qorǵaıtyn polıtsııa jasaǵy, ýchaskelik polıtsııa ınspektorlary zańsyz pırotehnıkalyq ónimderdi anyqtaýǵa erekshe nazarǵa alady. Sondaı-aq kámelet jasqa tolmaǵandar isi boıynsha ınspektorlar oqý oryndarynyń aýmaǵyn da qadaǵalaıdy.
Pırohetnıkalyq ónimderderdi zańsyz paıdalaný faktisiniń anyqtalsa Qazaqstan Respýblıkasy «Ákimshilik quqyqbuzý týraly» 436-babynyń 2 bólimi boıynsha jaýapkershilikke tartylady. Aıyppul 10 AEK kóleminde belgilengen.
Dál osy áreketterdi 16 jasqa deıingi kámelet jasqa tolmaǵan balalar jasaǵan jaǵdaıda, olardyń ata-analaryna nemese zańdy ókilderine pırotehnıkalyq ónimderdi tárkileýimen qatar, eskertý nemese 10 aılyq eseptik kórsetkish aıyppul salynady. Sonymen qatar Qazaqstan Respýblıkasy «Ákimshilik quqyqbuzý týraly» 483-babynyń 1, 2-bólimderi boıynsha jaýapkershilikke tartylady.
Oǵan qosa, «Pırotehnıka» jedel aldyn alý is-sharasy barysynda polıtsııa TJD qyzmetkerlerimen birlesip 19 jeltoqsannan 2018 jyldyń 3 qańtaryna deıin oıyn-saýyq mekemeleriniń jetekshileri, mektepke deıingi jáne jalpy bilim beretin mekemelerde pırotehnıkalyq ónimderdiń qoldanýyna jol bermeý boıynsha túsindirý jumystaryn júrgizedi.
