Astanada zańsyz aınalymnan 117 keli esirtki zaty alyndy - ІІD
ASTANA. Qazannyń 12-si. QazAqparat /Jasulan Amanbaıuly/ - Jyl basynan beri elordalyq polıtseıler zańsyz aınalymnan 117 keli esirtki zatyn aldy. Bul týraly búgin Astanada ІІD-niń Esirtki bıznesine qarsy kúres basqarmasynyń bastyǵy Aıasyn Baıdildaev málim etti.
Onyń atap kórsetkenindeı, 2010 jyly esirtkige qatysty 200 qylmystyq is qozǵalǵan. Onyń 73 isi nashany satýmen aınalysqan tulǵalarǵa qatysty kóterilgen. Sonymen qatar bıyl bir esirtki prıtonynyń qyzmeti áshkerelendi. Nashany tasymaldaýdyń eki arnasy men 27 esirtki núktesi jabyldy.
