Astanada zańsyz turaqqa qoıylǵan 400-den astam kólik evakýatsııalandy
ASTANA. KAZINFORM – Astana qalasynyń Jol qozǵalysyn uıymdastyrý ortalyǵy elordada jol qozǵalysy erejesin buzýshylarǵa qatysty baqylaýdy kúsheıtti.
Astana máslıhaty depýtattaryna ortalyqtyń mobıldi avtomattandyrylǵan baǵdarlamalyq keshenderiniń jumysy tanystyryldy.
Qazirgi ýaqytta qalada 12 mobıldi keshen jumys isteıdi.
Mamandardyń málimetinshe, olar kún saıyn jol qozǵalysy erejesin buzýdyń 1,5 myńnan astam deregin tirkeıdi.
Quqyq buzýshylyqtardyń ishinde kólikti ruqsat etilmegen jerge toqtatý jáne turaqqa qoıý jaǵdaılary jıi kezdesedi.
Jol qozǵalysyn uıymdastyrý ortalyǵy mundaı áreketterdiń qala kóshelerindegi kólik qozǵalysyna keri áser etetinin atap ótti.
- Retsiz qoıylǵan kólikter joldaǵy qozǵalys jyldamdyǵyn tómendetip, keptelis týdyrady.
Sonymen qatar olar jaıaý júrginshilerge qaýip tóndirip, jedel járdem men órt sóndirý qyzmetteriniń qozǵalysyna kedergi keltiredi, - dep jazdy Astana ákimdiginen.
Málimetke sáıkes, 2026 jylǵy 25 sáýirden beri erejeni óreskel buzǵan júrgizýshilerdiń zańsyz qoıylǵan 400-den astam kóligi evakýatsııalanǵan.
Aıta keteıik, Astana qalasynyń Jol qozǵalysyn uıymdastyrý ortalyǵy jol qaýipsizdigin arttyrý jáne qaladaǵy kólik qozǵalysyn retteý baǵytynda jumys júrgizip keledi.
Buǵan deıin Astanada birneshe jol ýchaskesinde qozǵalys shekteletini habarlandy.
