Astanada zańsyz taǵaıyndalǵan 2,9 mln teńge zeınetaqy tólemi anyqtaldy
ASTANA. KAZINFORM – Bul týraly qalalyq Ortalyq kommýnıkatsııalar qyzmetinde ótken baspasóz májilisinde Astana qalasy boıynsha Halyqty áleýmettik qorǵaý salasyndaǵy retteý jáne baqylaý komıteti departamentiniń basshysy Asqar Aımaǵambetov aıtty.
– 2026 jyldyń birinshi jartyjyldyǵynda Astanada zeınetaqy isterin tekserý barysynda jalpy somasy 2,9 mln teńgeni quraıtyn zeınetaqy tólemderin zańsyz taǵaıyndaýdyń 22 jaǵdaıy anyqtaldy. Qazirgi tańda anyqtalǵan zańsyz tólemderdiń 2 mln teńgeden astamy respýblıkalyq bıýdjetke qaıtaryldy, - dedi departament basshysy.
Vedomstvo basshysy memlekettik qyzmetterdi kórsetýmen qatar zeınetaqy tólemderin taǵaıyndaý kezinde zańnamanyń saqtalýyna turaqty túrde memlekettik baqylaý júrgizetinin atap ótti.
Sondaı-aq ol azamattardy zeınetaqy tólemderin rásimdeý kezinde tek shynaıy málimetterdi usynýǵa jáne zańnama talaptaryn saqtaýǵa shaqyrdy.
Aıta óteıik, Eńbek mınıstrligi zeınetaqy júıesin jetildirý boıynsha jumys tobyn qurǵan edi.
