Astanada zańsyz maınıng: 900 mln teńgeden astam múlik tárkilendi
ASTANA. KAZINFORM – Zańsyz jolmen alynǵan tsıfrlyq aktıvter 143 mln teńgeden asady. Bul týraly Qarjylyq monıtorıng agenttiginiń baspasóz qyzmeti habarlady.
Astanada 2022 jyldan 2024 jyldyń mamyryna deıin maınıng fermasyn qozǵaltqyshtardy óńdeý ortalyǵy retinde jasyryp, bir megapolıstiń turǵyn aýdanymen salystyrǵanda aılyq elektr energııasyn tutynǵan úsh azamatqa qatysty aıyptaý úkimi shyǵaryldy.
Zańsyz jolmen alynǵan tsıfrlyq aktıvter 143 mln teńgeden asady.
— Tintý barysynda 1 257 asıkmaıner (tsıfrlyq aktıvterdi óndirýge arnalǵan jabdyq), ónerkásiptik salqyndatqysh jeldetkishter men transformatorlyq stantsııa alyndy, — delingen QMA habarlamasynda.
Sot olardy QK 214-babynyń 2-tarmaǵy boıynsha kináli dep tanyp, aıyppul salý jazasyn taǵaıyndady.
Sot sheshimimen memleket paıdasyna 900 mln teńgeden astam múlik: 2 kólik («Toyota Camry», «Nissan Juke») jáne maınıng jabdyqtary tárkilendi.
— Sot qylmystyq tabys mólsheri retinde 143,2 mln teńgeni memleketke qaıtarýdy mindettedi, — delingen habarlamada.
Úkim zańdy kúshine endi.
Aıta ketelik Qazaqstanda maınıngpen aınalysatyndar qalaı jumys isteıtini týraly jazǵan edik.