Astanada zańsyz qurylys salǵan adam 300 otbasyǵa 4 mlrd teńge zalal keltirgen
ASTANA. KAZINFORM - Astana qalasynyń Polıtsııa departamenti «Jańa Arqa» TÚQ salymshylarynyń aryzdary boıynsha alaıaqtyq faktisimen sotqa deıingi tergeý júrgizip jatyr.
Tergeý barysynda josyqsyz qurylys salýshy tıisti ruqsatsyz jáne zań talaptaryn buza otyryp, turǵyn úı keshenin salýǵa azamattardan qarajat tartqany anyqtaldy.
Qalalyq prokýratýra málimetinshe, qurylys salýshynyń qylmystyq áreketi nátıjesinde 300-den astam otbasynyń múddesine 4 mlrd teńge kóleminde asa iri kólemde materıaldyq zalal keltirilgen.
Elorda prokýratýrasynyń úılestirýimen tergeý organy kináli adamdy ustap, sot sanktsııasymen qamaýǵa alyndy.
Tergeý jalǵasyp jatyr. Іs boıynsha barlyq qajetti saraptama taǵaıyndaldy.
Elorda prokýratýrasy azamattardy páter satyp almas buryn úleskerlerden qarajat tartýǵa ruqsattyń bar-joǵyn muqııat tekserýge shaqyrdy. Bul alaıaqtyqtan saqtanýǵa jáne quqyqtaryńyzdy qorǵaýǵa kómektesedi.
Buǵan deıin Astanada merdiger turǵyn úı salýǵa bólingen mıllıardtaǵan bıýdjet qarajatyn jymqyrǵanyn jazǵan bolatynbyz.