Astanada zańsyz kóshi-qon uıymdastyrǵandar sottaldy

ASTANA. KAZINFORM — Sot úkimimen elordanyń eki turǵyny shetel azamattarynyń zańsyz kóshi-qonyn uıymdastyrǵany úshin kináli dep tanyldy.

Astana prokýratýrasy málimetinshe, sottalǵandar paıdakúnemdik nıetpen áreket etip, Qazaqstan Respýblıkasynyń ýákiletti organdaryna jalǵan qujattar men kórineý jalǵan málimetterdi usynyp, sonyń negizinde shetel azamattaryna zańsyz túrde turaqty turýǵa ruqsat berilgeni anyqtaldy.

Olar bul zańsyz áreketteri úshin múddeli tulǵalardan aqshalaı syıaqy alyp otyrǵan. Sot otyrysynda sottalýshylar ózderine taǵylǵan aıypty tolyq moıyndady. Barlyq mán-jaıdy eskere otyryp, sot olarǵa tıisinshe 1 jyl 6 aı jáne 2 jyl merzimge bas bostandyǵynan aıyrý jazasyn taǵaıyndady.

Memleket kirisine zańsyz alynǵan jalpy somasy 100 myń AQSh dollary, 2,5 mln teńge jáne 200 myń reseı rýbli óndirildi.

Astana qalasynyń prokýratýrasy zańsyz kóshi-qondy uıymdastyrǵany úshin múlki tárkilenip 7 jylǵa deıin bas bostandyǵynan aıyrý jazasynyń kózdelgenin eske salady.

Astanada esirtki taratqan qyz 10 jylǵa sottalǵanyn jazǵan edik.