Astanada zańdy salynyp jatqan turǵyn úılerdiń tizimi jarııalandy
ASTANA. QazAqparat - Astana qalasynyń Sáýlet, qala qurylysy jáne jer qatynastary basqarmasy úleskerlerdiń qatysýymen turǵyn úı salýǵa jergilikti atqarýshy organnan ruqsattar berilgen qurylys kompanııalardyń tizimin jarııalady, dep habarlaıdy QazAqparat.
Aıta keteıik, «Turǵyn úı qurylysyna úlestik qatysý týraly» Qazaqstan Respýblıkasynyń jańa Zańy 2017 jyldyń 10 qazanynan bastap kúshine endi. Oǵan sáıkes, turǵyn úı qurylysyna úlestik qatysý myna tásilderdiń bireýimen júzege asyrylady: kepildik berý qorynyń kepildigin alý; ekinshi deńgeıli banktiń jobasyna qatysý; turǵyn úı qorshaýyn salýdan keıin úleskerlerdiń aqshasyn tartý.
Birinshi tásil boıynsha sheshimdi «Turǵyn úı qurylysyna kepildik berý qory» AQ qabyldaıdy.
Ekinshi jáne úshinshi tásilge ruqsatty jergilikti atqarýshy organ Sáýlet, qala jáne jer qurylysy basqarmasy usynady.
Sondaı-aq qurylys kompanııasynyń mindetti túrde: memlekettik nemese menshik quqyǵyndaǵy jer ýchaskesi; vedomstvodan tys keshendi saraptamanyń oń qorytyndysy bar turǵyn úıdiń jobalaý-smetalyq qujattamasy; turǵyn úıdiń qańqasynyń bolýy týraly ınjınırıngilik kompanııa rastaǵan esep; ınjenerlik kompanııamen jasalǵan shart bolýy tıis.
Atalǵan normalar Zańnyń 9 jáne 10-baptarynda aıqyn kórsetilgen.
Astanada tıisti ruqsattary bar kompanııalardyń tizimin myna jerden kórýge bolady. Oǵan ártúrli kompanııalar salyp jatqan 72 turǵyn úı kesheni, sondaı-aq "Turǵyn úı qurylysyna kepildik berý qory" AQ-men shart jasasqan merdigerlerdiń 5 turǵyn nysany bar.
