Astanada «Zamandas» aýla klýbtarynda Otbasy kúni merekelendi (FOTO)
ASTANA. QazAqparat - Astanada «Zamandas» aýla klýbtarynda Otbasy kúni merekelendi, dep habarlady joba uıymdastyrýshysy. Shara aıasynda balalar quraǵan avıaúlgiler, zymyran men ushaqtar úlgileriniń baıqaýy, ata-analary men balalar arasynda shahmattan jarys ótti.
«Zamandas» aýla klýbyna barǵan balalar kontsert qoıyp, dombyra tartyp, bı bılep, teatrlandyrylǵan kórinister kórsetip, qonaqtaryn qýantty.
«Art-terapııa» úıirmesine qatysatyn balalardyń shyǵarmashylyq jumystarynyń kórmesi ótti. Tilek bildirýshiler «Baqytty otbasy» klýbynyń psıhologtarynyń sheberlik synybyna qatysty. Balalar men ata-analar «Sizder áli bilmeısizder, al biz...» atty otbasylyq shyǵarmashylyq baıqaýǵa qatysty. Shara qorytyndysy boıynsha baıqaý qatysýshylary men jeńimpazdary estelik syılyqtarmen marapattaldy. Elimizde Otbasy kúni ekinshi jyl qatarynan atalyp ótilýde. Mereke qyrkúıektiń ekinshi jeksenbisinde toılanady. «Zamandas» qoǵamdyq qory «Samuryq-Qazyna» memlekettik holdınginiń qoldaýymen «Aýlalyq klýb - balalar múddesi týraly qozǵalys» jobasyn iske asyrýda. Klýbtar 2011 jyly quryla bastady. Qazirgi ýaqytta Astanada olar úsheý. Maqsatty aýdıtorııasy - az qamtylǵan, kóp balaly otbasylardan shyqqan balalar men jasóspirimder. Barlyq úıirmeler (barlyǵy - 12, onyń ishinde qazaq tili, aǵylshyn tili kýrstary, karate, horeografııa, avıaúlgileý úıirmeleri bar) tegin ótedi.
