Astanada zamanaýı haıýanattar baǵy salynady
ASTANA. 7 jeltoqsan. QazAqparat - Astanada janýarlar, qustar men jándikterdi kóbeıtý men ustaýdyń zamanaýı ádisteri bar haıýanattar baǵy salynatyn bolady.
Joba Astananyń Bas josparynda qarastyrylǵan, dep habarlady ákim Imanǵalı Tasmaǵambetov óziniń blogynda.
Qala basshysy qurylystyń merzimin naqtylamady. Qazirgi ýaqytta qalada Astanalyq parktiń aýmaǵynda ornalasqan jalǵyz ekzotarıým-haıýanattar baǵy jumys isteıdi. Biraq anyqtalǵandaı, ol qalalyq saıabaqty qaıta jóndeýden ótkizýdiń jobasyna engizilmegen.
«Jobaǵa sáıkes, ekzotarıým-haıýanattar baǵy aýmaǵynda sý burqaqtardyń dybysty shoýyn tamashalaýǵa arnalǵan kórermender minberin salý qarastyrylady. Jándikter men janýarlarǵa shý men vıbratsııanyń kózderine tym jaqyn ornalasý jaısyz bolady», - dep jazdy elorda meri.
