Astanada zábir kórgen úı janýarlarynyń máselesine arnalǵan fotokórme ótedi
ASTANA. QazAqparat - Adamdardan zardap shekken janýarlardyń aıanyshty hali týraly sharany uıymdastyrýshylar, kórmeni astana turǵyndarynyń nazaryn aýdarýdyń múmkindigi dep esepteıdi, dep habarlaıdy elorda ákimdiginiń resmı saıty.
24 naýryz saǵat 13:00-de «Keruen city» OSO jyl saıyn «Men sezinemin» atty qaıyrymdylyq kórmesin bastaıdy.
Kórme zábir kórgen úı janýarlarynyń máselesine arnalǵan. Ony astananyń beıjaı qalmaıtyn turǵyndary uıymdastyrdy, ıaǵnı qaıyrymdy is jasaıtyn adamdardy biriktirý úshin "Astana qaıyrymdylar klýby" eriktiler qozǵalysyn qurdy.
Bıyl is-shara astana ákimdiginiń qoldaýymen ótti.
Otanǵa degen mahabbat árbir azamattyń áleýmettik jaýapkershiligi. Bul týraly «Rýhanı jańǵyrý» ult modernızatsııasynyń «Atameken» rýhanı baǵdarlamasy baǵytynda aıtylady.
Fotokórmeni uıymdastyrýshylar adamdardan zardap shegip, kóshede qańǵyp qalǵan janýarlardyń aıanyshty haline astana turǵyndarynyń nazaryn aýdartýdyń múmkindigi dep esepteıdi. Olardyń maqsaty - adamdardyń janýarlarǵa degen nemquraıdylyǵyn túbirimen joıý.
Kórmege astanalyq 9 fotograftyń jumysy qoıylǵan: Rýslan Hasanov, Tımýr Jumatov, Elena Sycheva, Irına Ahmadıev, Lılııa Batreeva, Sánııa Qudaıqulova, Anar Maıkopova jáne Elena Polıakova.
Sýretterde úısiz qańǵyryp júrgen janýarlarǵa degen nemquraıdylyq pen olarǵa zorlyq-zombylyq kórsetýdi túbirimen joıý kerektigine shaqyrǵan. Kórmeni uıymdastyrýshylar ıgilikti istiń osyndaı kishigirim nárselerden bastalatynyn, balalardy janýarlarǵa janashyr etip ósirse, bolashaqta olar basqa adamdardy da jaqsy kóre biledi deıdi.
Kórmege kirý tegin, onda qaıyrymdylyq jarnasyn bólý mindetti emes, biraq erikti túrde qol ushyn sozǵysy keletinderge arnaıy jáshik ornatylǵan. Qaıyrymdylyqqa bólingen barlyq qarajat «Kovcheg» panalaý úıi men qala boıynsha @zverohelp_astana janýarlardy qorǵaý jónindegi qozǵalystyń eriktilerine bólinip beriledi.
Ótetin ýaqyty: 24 naýryz - 6 sáýir.
