Astanada ıývenaldy ıýstıtsııanyń qalyptasýynda kámeletke tolmaǵandar isi jónindegi sottyń róli talqylanady
ASTANA. 26 sáýir. QazAqparat - 26-27 sáýir kúnderi Astana qalalyq sotynda «Qazaqstanda ıývenaldy ıýstıtsııanyń qalyptasýynda kámeletke tolmaǵandar isi jónindegi sottyń róli» taqyrybynda semınar ótedi,
dep habarlady Joǵarǵy sottyń baspasóz qyzmetinen.
Shara barysynda Qazaqstan Respýblıkasynda kámeletke tolmaǵandar isteri jónindegi sottardyń engizilýi, sot óndirisindegi jasóspirimder isin qaraıtyn sottardyń erekshelikteri men onymen baılanysty problemalar jóninde keń aýqymdy áńgime qozǵalady.
Semınarǵa Qazaqstan Respýblıkasy Joǵarǵy sotynyń sýdıalary Dáýlen Nuralın jáne Ǵalııa Aqqýova, Parlamenti Májilisiniń depýtaty Svetlana Bychkova, Astana qalalyq sotynyń Kassatsııalyq sot alqasynyń tóraǵasy Ádilhan Aǵmanov, Almaty qalasynyń Jasóspirimder isi jónindegi mamandandyrylǵan aýdanaralyq sotynyń tóraǵasy Jeńis Káribaev, Astana qalasynyń Jasóspirimder isi jónindegi mamandandyrylǵan aýdanaralyq sotynyń tóraıymy Gúlnar Ábdiǵalıeva, Frıdrıh Ebert qory ókildiginiń basshysy Záýresh Shýtova, ıÝNISEF baǵdarlamasynyń bilim jáne balalardy qorǵaý boıynsha úılestirýshisi Tatıana Aderıhına, Qazaqstan Respýblıkasyndaǵy Eýropa Odaǵy delegatsııasynyń ekinshi hatshysy Denısa Salkova, Qazaqstandaǵy Eýropa Odaǵy ókildiginiń basshysy Orelııa Býshez, Balalar ıýstıtsııasyn damytý jónindegi ıÝNISEF-tiń halyqaralyq sarapshysy Kerrı Nıl, Qazaqstan Respýblıkasynyń Bilim jáne ǵylym mınıstrliginiń balalar quqyǵyn qorǵaý jónindegi Komıtettiń tóraǵasy Raısa Sher, «Shans» áleýmettik-psıhologııalyq qoldaý kórsetý ortalyǵy jobasynyń jetekshisi Olga Ryl qatyspaq.
