Astanada ıývenaldy polıtsııanyń 40 jyldyǵyn atap ótti
ASTANA. QazAqparat - Astana qalasynyń ІІD jergilikti polıtsııa qyzmetiniń bólimshesi «2017 oqý jylyndaǵy kámelettik jasqa tolmaǵandarmen jumys boıynsha úzdik ınspektor» baıqaýyn ótkizdi.
Astana qalasynyń ІІD jergilikti polıtsııa qyzmeti basshylarynan quralǵan komıssııa ótken oqý jylynda kámelettik jasqa tolmaǵandarmen jumys boıynsha ýchaskelik ınspektorlardyń qyzmetin qarap, úzdikterdi iriktedi. Polıtseıler gramotalarmen, alǵys hattar jáne baǵaly syılyqtarmen marapattaldy, dep habarlaıdy astana.gov.kz.
- ıÝvenaldy polıtsııa ınspektorlarynyń jumysy ońaı emes: olar jumys kúnderi jas jetkinshektermen jáne olardyń ata-analarymen kezdesip, áńgimelesedi, al demalys kúnderi - kámelettik jasqa tolmaǵandardyń quqyq buzýlaryna jol bermeý maqsatynda reıdtik sharalarǵa shyǵady. ıÝvenaldy polıtsııa ınspektorlary ıyqtaryna shen taqqan qyzmetker ǵana emes, olar ári psıholog ári tárbıeshi, - dedi Astana qalasynyń ІІD JPQ ıývenaldy polıtsııa basshysy Samal Ahmet.
Búgingi kúni qaladaǵy ıývenaldy polıtsııa bóliminde 163 adam eńbek etýde: 139 áıel jáne 24 er adam. Olardyń negizgi mindeti - kámelettik jasqa tolmaǵandar arasynda quqyq buzýshylyqtar men qylmystyń aldyn alý. Alaıda, qyzmetkerlerdiń aıtýynsha, bastysy - balalardy túzý jolǵa salatyn qasıetterin ashyp, tárbıeleý.
1977 jyly kámelettik jasqa tolmaǵandardyń isi boıynsha alǵashqy ınspektsııa quryldy. 2011 jyldyń 10 maýsymynda Qazaqstan Respýblıkasy Prezıdentiniń Qaýlysymen kámelettik jasqa tolmaǵandar isi jónindegi barlyq bólimsheler ıývenaldy polıtsııa bólimsheleri bolyp qaıta quryldy.
