Astanada «ıÝNESKO klýby» atanǵan Balalardyń kórkemsýret mektebiniń kórmesi ashyldy
ASTANA. 31 tamyz. QazAqparat - Búgin Astanada qalalyq Qazirgi zamanǵy óner murajaıynda Balalardyń kórkemsýret mektebi-ıÝNESKO klýby túlekteriniń shyǵarmashylyq jumystaryna arnalǵan kórme ashyldy.
Jyl saıyn ótetin dástúrli kórmege 15-17 jastaǵy mekteptiń bıylǵy túlekteriniń dıplomdyq jumystary shyǵarylyp otyr. Munda jastardyń maıly boıaý men akvarel sýretteri, sondaı-aq qolóner buıymdary bar. Іs-shara barysynda mekteptiń úzdik túlekterin marapattaý rásimi ótti. Al kórmege kelgen qonaqtarǵa shyǵarmashylyq jumystardyń albomdary taratyldy. Kórme qyrkúıektiń 2-sine deıin jalǵasady.
Astana qalalyq Balalardyń kórkemsýret mektebiniń qurylǵanyna bıyl 29 jyl tolyp otyr. Osy ýaqytqa deıin oqý ornynyń túlekteri kóptegen halyqaralyq konkýrstarda júldeli oryndarǵa ıe bolyp, búginde sáýlet jáne dızaın salasynda tabysty eńbek etip keledi. 2008 jyly ıÝNESKO isteri jónindegi Ulttyq komıssııanyń sheshimimen Balalardyń kórkemsýret mektebine «ıÝNESKO klýby» mártebesi berildi.
