Astanada ıÝNESKO keńesiniń músheleri uly dala kóshpendileriniń mádenıetine tańdanys bildirýde
Kóshpendilerdiń kóne dástúri jańǵyryp, ejelgi kásip jandanǵan etnoaýyldaǵy baǵdarlamany tamashalaýǵa aǵylyp kelgen meımandar at qulaǵynda oınaǵan qazaq jigitteriniń ónerine tánti boldy. «Nomad» akterlik toby álemniń ár túkpirinen kelgen delegatsııa múshelerine qazaqtyń ǵana emes, túbi bir túrki jurtynyń ulttyq sport pen oıyn túrlerin kórsetkende tańdaı qaqpaǵan jan bolǵan joq. Temirdi ılep ıetin, aǵashtan túıin túıetin ustalardyń kózdiń jaýyn alatyn óneri men zergerlik buıymdary da úlken qyzyǵýshylyq týdyrdy.
Ulttyq mázirden dám tatysqan barsha qonaq qazaq mádenıetin tanyp, bilisip jatty. Uly dalany mekendegen ulttardyń tarıhy men mádenıetin pash etetin sahnalyq qoıylymdar men án men jyr keshteri kóptep kórinis berdi.
«Han shatyr» saýda oıyn-saýyq ortalyǵy aldyndaǵy alańǵa 50-ge jýyq aqshańqaı kıiz úı tigilip, tutas baı aýyly kóship kelgendeı boldy. Baıqaǵanymyz, qazaqtyń ulttyq mádenıetimen tanysamyn degen nıetpen ataǵy alysqa ketken elderden meımandar arnaıy kelipti. Bul da qazaqtyń álemdik qaýymdastyq aldynda artyp kele jatqan abyroıynyń bir kórinisi bolar.
Eske sala keteıik, búgin elordada ıÝNESKO isteri jónindegi ulttyq komıssııalardyń aımaqaralyq І keńesi óz jumysyn bastady. Sharaǵa ıÝNESKO-nyń barlyq bes óńirlik toptarynan, atap aıtqanda, Arab memleketteri, Azııa jáne Tynyq muhıty, Eýropa jáne Soltústik Amerıka, Latyn Amerıkasy men Karıb basseıni elderinen 125 memlekettiń Ulttyq komıssııalarynyń ókilderi kelgen.
Keńes aıasynda segiz qazaqstandyq nysannyń (Almaty oblysyndaǵy Qaıalyq, Qaramergen, Talǵar jáne Jambyl oblysyndaǵy Aqtóbe (Stepnınskoe), Aqyrtas, Qulan, Qostóbe, Órnek) Qyrǵyzstan jáne Qytaı taraptarymen birge daıyndalǵan «Uly Jibek joly: Jibek jolynyń bastapqy bóligi, Tıan-Shan dálizi baǵyttarynyń júıesi» jónindegi serııalyq transshekaralyq nomınatsııasynyń ıÝNESKO Búkilálemdik mura tizimine engizilýine, sonymen qatar eki qazaqstandyq tabıǵı rezervattardyń - «Qatonqaraǵaı» memlekettik ulttyq tabıǵı parki men «Aqjaıyq» bıosferalyq aýmaǵynyń ıÝNESKO Búkilálemdik bıosferalyq rezervattar júıesine engizilýine baılanysty arnaıy sertıfıkattardy tabystaý saltanaty ótti.
Sonymen birge ıÝNESKO Bas dırektory I.Bokovanyń sheshimine sáıkes Astana qalasynyń ákimi I.Tasmaǵambetov ıÝNESKO men Qazaqstan arasyndaǵy qarym-qatynastyń nyǵaıýyna, sondaı-aq Uly Jibek joly murasyn saqtaýǵa asa kórnekti úles qosqany úshin Ulttyq komıssııasynyń Qurmetti medalimen marapattaldy.
