Astanada ıÝ. Nasybýllın jáne M. Bagınskaıa jubynyń án keshi ótti
ASTANA. 3 naýryz. QazAqparat /Jasulan Amanbaıuly/ - Búgin Astanada Reseı ǵylym jáne mádenıet ortalyǵynda ıÝrıı Nasybýllın men Marına Bagınskaıa avtorlyq ánderdiń shyǵarmashylyq keshin ótkizdi.
Bul shyǵarmashylyq jáne januıalyq dýet Qazaqstanda da, Reseıde de óte tanymal. Olar ózderiniń shyǵarmashylyqtaryn, jumystaryn jáne ómirlerin Máskeý, Sankt-Peterbor, Astana jáne Almaty qalalarymen baılanystyrady. Aqyn ıÝ. Nasybýllın jastyq shaǵyn Tselınograd qalasymen baılanystyrsa, ıÝ. Bagınskaıa 90-jyldardyń orta tusynda Almaty konservatorııasynda hor súıemeldeýshisi synyby boıynsha tálim alǵan. Qazir shyǵarmashylyq jup Qazaqstanda kesh ótkizýdi dástúrge aınaldyrǵan.
Kontserttik saparlarǵa belsendi shyǵyp turatyn top shansonnan blıýzǵa deıingi ártúrli janrlarda ánder oryndaıdy. Ánderdiń sózderin aqyn ıÝ. Nasybýllınniń ózi jazady. Ol alty ishekti gıtarada oınasa, onyń jary klavıshalyq aspaptardy meńgergen. Olardyń shyǵarmashylyǵy Reseıde joǵary baǵalanyp, 2000 jyly kantrı janryndaǵy ánderdiń úzdik oryndaýshylary dep tanyldy.
Atalmysh dýettyń alǵashqy áıgili áni «Pýshkın na balý» dep atalady. Keńes dáýirinen attary tanyla bastaǵan avtorlyq ánder oryndaýshylary radıoda jáne teledıdarda jıi shyǵady.
