Astanada ystyq sý 25 paıyzǵa qymbattady degen aqparat jalǵan - ákimdik

ASTANA. QazAqparat - Astana ákimdigi ystyq sý qymbattaǵany týraly aqparatty joqqa shyǵardy. Kerisinshe, 2019 jyldyń 1 qańtarynan bastap ystyq sý tarıfin arzandatý josparlanyp otyr, dep habarlaıdy QazAqparat elorda ákimdiginiń resmı saıtyna silteme jasap.

Qalalyq otyn-energetıkalyq keshen jáne kommýnaldyq sharýashylyq basqarmasy senbide BAQ-qa shyqqan Qazaqstan astanasynda sońǵy aıda ystyq sý qymbattaǵany týraly aqparatty joqqa shyǵardy.

«Buqaralyq aqparat quraldarynda jarııalanǵan Astanada ystyq sý 25 %-ǵa ósti degen aqparat shyndyqqa janaspaıdy», - dep málimdedi basqarma basshysy Erbol Tóleýov.

E. Tóleýovtyń aıtýynsha, ystyq sý tarıfi 2019 jyldyń 1 qańtarynan bastap kerisinshe tómendeıdi.  

«Qazirgi tańda tarıfti arzandatý boıynsha qajetti jumystar atqarylyp jatyr», - dedi ol.