Astanada yntymaq pen mádenıaralyq baılanysty nyǵaıtqan QHA músheleri marapattaldy

ASTANA. QazAqparat - Búgin elorda ákimdiginiń úlken zalynda qala ákimi Imanǵalı Tasmaǵambetovtyń qatysýymen «Qazaqstandyq otansúıgishtik konteksindegi Astana fenomeni: kópultty jáne kópkonfessııalyq qoǵamnyń tabysy» taqyrybynda Astana qalasynyń Qazaqstan halqy Assambleıasynyń HІV sessııasy ótti, dep habarlanǵan elorda ákimdiginiń resmı saıtynda.

Sessııanyń ashylýynda Imanǵalı Tasmaǵambetov QR Prezıdenti, Qazaqstan halqy Assambleıasynyń Tóraǵasy Nursultan Nazarbaev 2015 jyldy Qazaqstan halqy Assambleıasy jyly dep jarııalaǵanyn atap ótti. Qala basshysy jurtshylyqty elimizde beıbitshilik pen kelisimdi nyǵaıtýǵa shaqyrdy. «Osy beıbitshilik pen kelisimniń arqasynda QR Prezıdenti Nursultan Ábishuly Nazarbaevtyń basshylyǵymen biz Táýelsiz Qazaqstandy qurdyq. Bul elimizdiń árbir patrıotynyń eńbegi», - dedi I.Tasmaǵambetov. Otyrysta Astana qalasynda Qazaqstan halqy Assambleıasy jylyn ótkizý aıasyndaǵy is-sharalar jospary talqylandy. Sessııa jumysyna Qazaqstan halqy Assambleıasy Tóraǵasynyń orynbasary - Qazaqstan halqy Assambleıasy hatshylyǵynyń meńgerýshisi Eraly Toǵjanov, Astana qalasynyń Qazaqstan halqy Assambleıasynyń músheleri, QR Parlamentiniń jáne Astana qalasy máslıhatynyń depýtattary qatysty. E.Toǵjanov Assambleıa músheleriniń atynan beıbitshilik pen kelisimdi nyǵaıtqany úshin Astana qalasynyń ákimi Imanǵalı Nurǵalıulyna alǵysyn bildirdi. Sondaı-aq ol London qalasynda qazaqstandyq Beıbitshilik pen kelisim ortalyǵy ashylǵanyn atap ótti. Sessııa barysynda yntymaq pen mádenıaralyq baılanysty nyǵaıtqandary úshin Qazaqstan halqy Assambleıasynyń músheleri marapattaldy. Atap aıtqanda, Qazaqstan halqy Assambleıasynyń «Qazaqstan halqy Assambleıasynyń qoǵamdyq «Birlik» altyn medalimen» Qazaqstannyń uıǵyr respýblıkalyq mádenı ortalyǵynyń Astanadaǵy fılıaly tóraǵasynyń orynbasary Murat Toqtybaev pen «Obereg» ýkraınder qaýymdastyǵynyń tóraıymy Tamara Shırmer marapattaldy. Al QHA Qurmet gramotasyn «Hazar» ázerbaıjan etnomádenı qaýymdastyǵynyń tóraǵasy Vıdadı Agaev jáne Astana qalasyndaǵy túrik etnomádenı qaýymdastyǵynyń tóraǵasy Asker Pırıev ıelendi. «Zlata» bolgar etnomádenı birlestiginiń jetekshisi Olga Andrıevskaıaǵa, «Barbang» kúrdter qaýymdastyǵy tóraǵasynyń orynbasary Málik Sadyqovqa, «Vaınah» etnomádenı birlestiginiń múshesi Bashır Soslanovqa, koreı etnomádenı birlestiginiń kontsertmeısteri Lázzat Hamzınaǵa, Astana qalasy Qazaqstan halqy Assambleıasynyń ǵylymı-sarapshylyq tobynyń múshesi ıÝlııa Shapovalǵa Alǵys hattar tabystaldy. Sonymen qatar «Vozrojdenıe» nemister qoǵamy» qoǵamdyq birlestigi tóraǵasynyń orynbasary Natalıa Berg, «Qyrǵyzstan-Astana» qoǵamdyq birlestigi tóraǵasynyń orynbasary Mınavarhan Mamaeva jáne «Van» armıan qoǵamy» qoǵamdyq birlestigi jeksenbilik mektebiniń dırektory Aıastan Mneıan Astana qalasy ákiminiń atynan Alǵys hattar aldy. Aıta keteıik, 2015 jylǵy Qazaqstan halqy Assambleıasy jyly «Astana - beıbitshilik pen kelisim qalasy» uranymen ótedi.