Astanada Yqylas Dúkenuly kóshesi jańartylady
ASTANA. 27 aqpan. QazAqparat - Elordada Yqylas Dúkenuly kóshesin Beıbitshilik kóshesinen bastap Jeltoqsan kóshesi baǵytyna qaraı tuıyq ýchaskige deıin jańartýdyń jospary ázirlenip, bekitildi.
Bul týraly Astana qalasynyń resmı saıtyna Jolaýshylar kóligi jáne avtomobıl joldary basqarmasynan málim etti.
Atalǵan jobada jańartý jol bólikterin keńeıtip, adamdar kóp júretin nysandar mańynda qosymsha avtoturaq oryndaryn salýdy qarastyrǵan. «Kórsetilgen joba 2013 jyly júzege asyrylmaq», - dep habarlaıdy vedomstvodan.
Búgingi kúni avtojoldyń atalǵan teliminde jol polıtsııasy tıisti jol belgilerin qoıý arqyly kólik quraldarynyń ýaqytsha toqtaýyn retteý jóninde shuǵyl is-sharalar júrgizýde.
«Osyǵan baılanysty qoıylǵan jol belgileri talaptaryn oryndaý jóninde jol polıtsııasynyń bólimsheleri qadaǵalaý ornatqan», - delingen habarlamada.
