Astanada «Yqpaldasý úderisteri aıasyndaǵy Qazaqstannyń ulysaralyq saıasaty» taqyrybynda semınar ótedi
Bul týraly Mádenıet jáne aqparat mınıstrliginiń baspasóz qyzmeti habarlady.
Semınar maqsaty - biriktirý negizderin, qoǵamdy toptastyrý jáne ulttyq tatýlyqty nyǵaıtý tetikterin jetildirý men damytý, qaterli jáne táýekeldi jaǵdaılarda etnosaralyq úderisterdi basqarý boıynsha tyńdaýshylardyń kásibı biliktiliginiń deńgeıin kóterý bolyp tabylady.
Sharaǵa QR Parlamentiniń depýtattary, memlekettik mekemeler ókilderi, Qazaqstan halqy Assambleıasynyń músheleri, etnomádenı, jastar jáne ózge de qoǵamdyq birlestikterdiń jetekshileri, JOO, BAQ ókilderi qatysady dep kútilýde.
Semınar aıasynda Qazaqstan halqy Assambleıasy Ǵylymı-sarapshylyq keńesi janynan qurylǵan Halyqaralyq medıatsııa ortalyǵynyń tanystyrylymy jáne memlekettik tildi jedeldetip oqytýdyń «Tildaryn» biregeı ádistemesi boıynsha tildik trenıng ótedi.
Shara nátıjesinde tyńdaýshylar etnosaralyq úderisterdi basqarýdyń zamanaýı tásilderin meńgeredi, azamattardyń tolerantty mádenıetin qalyptastyrýdyń ádisteri jaıly qundy derekterdi biledi dep kútilýde.
