Astanada «Yqpaldastyq til, mádenıet, salt jáne dástúrler» halyqaralyq jobasynyń jabylýy ótedi

Bul týraly «Tildaryn» tilderdi oqytýdyń ınnovatsııalyq tehnologııalary ádistemelik ortalyǵynan habarlady.

Oǵan jobanyń basty demeýshileri - Qazaqstannyń Damý banki, Qazaqstan halqy Assambleıasynyń músheleri, QR Parlamenti Májilisiniń depýtattary, «Tildaryn» tilderdi oqytýdyń ınnovatsııalyq tehnologııalary ádistemelik ortalyǵy, Halyqaralyq «IADE» bilimdi damytý qaýymdastyǵy, «LSEGroup» JShS, «AviaElsenalTravel» JShS ókilderi qatysady.

Jobanyń maqsaty - memlekettik tildiń qyzmet etý belsendiligin keńeıtý, ulysaralyq kelisimdi kúsheıtý, qazaqstandyq patrıotızm ıdeıalaryn nasıhattaý.

Jobany «Tildaryn» tilderdi oqytýdyń ınnovatsııalyq tehnologııalary ádistemelik ortalyǵy men «Qazaqstan halqy Assambleıasy qory» qoǵamdyq qory oryndady.

Jobaǵa sondaı-aq Qazaqstannyń, Reseıdiń jáne Eýropanyń ǵalymdary, memleket jáne qoǵam qaıratkerleri, memlekettik mekemelerdiń qyzmetkerleri, etnomádenı birlestikter ókilderi, joǵary oqý oryndarynyń oqytýshylary, jalpy bilim beretin mekteppterdiń muǵalimderi, ádiskerler, jastardyń úkimettik emes uıvymdarynyń ókilderi, magıstranttar, stýdentter, mektep oqýshylary, tanymal bloggerler men  jýrnalıster qatysty.

Joba 2012 jylǵy 15 maýsym men 6 qyrkúıek aralyǵynda Túrkııanyń Kemer qalasynda ótkizildi.

Joba baǵdarlamasyna sáıkes onda qazaq tilin jedeldete oqý kýrstary, jastardyń kóshbasshylyq áleýetin ashýǵa baǵyttalǵan trenıngiler ótti.

Joba aıasynda «Túrkologııa jáne mádenıetaralyq dıalog» sarapshylyq sımpozıýmy, «Bolon úderisi - tájirıbe jáne perspektıvalar» halyqaralyq ǵylymı konferentsııasy, «Til  - azamattyq qoǵamdy biriktirýshi faktor» halyqaralyq forýmy, «Tilderdi jedeldete oqytýdyń ınnovatsııalyq tehnologııalary» halyqaralyq semınary ótti.  Mádenı almasý baǵytynda qazaqstandyq músinshi, «Mádenıet arqyly álemge» halyqaralyq qaýymdastyǵy syılyǵynyń laýreaty Serik Işanovtyń kórmesi uıymdpastyryldy, reseılik jazýshy, jýrnalıst, stsenarıst, ádebı synshy jáne «Kýltýra» telearnasynyń júrgizýshi Oleg Shıshkınmen kezdesý ótkizildi.  Joba iri respýblıkalyq buqaralyq aqparat quraldarynda, radıo men teledıdarda, ınternet jelisinde keńinen kórsetilip, aýqymdy aýdıtorııanyń qyzyǵýshylyǵyn týdyrdy. Oǵan Qazaqstannan, Reseıden, Túrkııadan, Chehııadan 800-den astam adam qatysty.