Astanada «ıArkokross» túrli tústi marafony ótedi
ASTANA. 21 qyrkúıek. QazAqparat - Astanada erteń saǵat 10.00-de «ıArkokross» túrli tústi marafony ótedi. Atalmysh is-shara úsh márte Almatyda jáne Qaraǵandyda sátti uıymdastyrylǵan bolatyn.
Іs-sharanyń maqsaty - belsendi salaýatty ómir saltyn nasıhattaý. Mindetteri - gıpodınamııamen jáne artyq salmaqpen kúresý, quramynda synap bar shamdardy jınaýǵa arnalǵan mamandandyrylǵan konteınerlerdi ornatý pılottyq jobasyn qoldaý, jastar men eresekter arasynda sportty nasıhattaý, temekiniń, alkogoldiń jáne esirtkiniń balamasyn tabý.
«ıArkokross» - sport, marafon jáne qýanysh sezimin biriktiretin jyldyń keremet oqıǵasy. Túrli tústi marafon Avstralııa, Brazılııa, Germanııa, Portýgalııa, AQSh pen Chılı elderiniń birqatar qalalarynda bolyp ótti. Qazaqstandaǵy «ıArkokross» is-sharasynyń alǵashqy maýsymyna belgili mádenıet qaıratkerleri, bılik ókilderi qatysady.
«ıArkokross» - bul jaqyn qashyqtyqqa erkin júgirý, is-shara barysynda eriktiler aq fýtbolka kıgen barlyq qatysýshylarǵa ekologııalyq taza boıaý tastaıdy.
Uıymdastyrýshylardyń aıtýynsha, jınalǵan qarjy Astana qalasynda aǵash otyrǵyzýǵa jumsalady.
