Astanada ıadrolyq qarýsyzdaný halyqaralyq konferentsııasy aıasynda úlken kontsert ótedi
ASTANA. 28 tamyz. QazAqparat - Erteń Astanada Beıbitshilik jáne kelisim saraıynda saǵat 18.30-da «ıAdrolyq synaqtarǵa tyıym salýdan - ıadrolyq qarýsyz álemge» halyqaralyq konferentsııasy sheńberinde úlken kontsert ótedi, dep habarlady QR Mádenıet jáne aqparat mınıstrliginiń baspasóz qyzmeti.
Kontsertte Qazaqstannyń halyq ártisi, Memlekettik syılyqtań laýreaty Eskendir Hasanǵalıev, Memlekettik syılyqtyń laýreaty Nurjamal Úsenbaeva, Qazaqstannyń eńbek sińirgen qaıratkerleri Súndet Baıǵojın, Aıgúl Nııazova, Jámıla Jarqymbaeva, Mádına Baspaeva, Gúlzıra Bókeıhan, respýblıkalyq konkýrstardyń laýreaty Bıbigúl Saýytova, Halyqaralyq konkýrstardyń laýreattary Birjan Hasanǵalıev, Andreı Tregýbenko, Aıdos Jabaǵın, Oleg Tatamırov, Nurjan Bajekenov, Elmıra Ahmedıarova, Sadjana Myrzalıeva, Zarına Rústemova, Elena Nızamýtdınova, Aızada Qaponova, sondaı-aq QazUÓÝ «Elıgaı» hory jáne skrıpkashylar ansambli, Astana qalasy memlekettik fılarmonııasynyń qazaq halyq aspaptar jáne sımfonııalyq orkestri, K. Baıseıitova atyndaǵy UOBT balet trýppasy jáne hory, «Serper» dombyrashylar ansambli jáne «Turan» etno-folklorlyq toby óner kórsetedi dep kútilýde.
