Astanada «XXI ǵasyrdaǵy bilim jáne ǵylym - 2011» atty VIII qazaqstandyq halyqaralyq kórme júrip jatyr

dep habarlady QR Bilim jáne ǵylym mınıstrliginiń baspasóz qyzmetinen.

Bul kórme QR Bilim jáne ǵylym mınıstrliginiń bastamasymen jyl saıyn ótkizilip turady. Bıylǵy jyly kórme aqpan aıynyń 16-18 aralyǵynda ótedi.

«Kórme maqsaty - bilim berý júıesiniń barlyq satylaryndaǵy jáne bilim berýdiń zamanaýı tehnologııalary, oqytý qurylǵylary, jańa baǵdarlamalar men oqytý-ádistemelik keshenderdi paıdalaný, jas mamandar biliminiń praktıkalyq qoldanysyna kómek kórsetý salalaryndaǵy jetistikterdi kórsetý» , - delingen QR BǴM saıtynda jarııalanǵan aqparatta.

Atalmysh kórmeni ótkizý men sharaǵa sheteldik jáne qazaqstandyq mamandardyń qatysýy bilim jáne ǵylym salasyndaǵy áriptestikti qalyptastyryp, nyǵaıtady dep erekshe atap ótilgen mınıstrliktiń málimdemesinde.

Kórmede 29 qazaqstandyq jáne 8 sheteldik joǵary oqý oryndarynyń qyzmeti kórsetilgen. Kórme jumysyna Germanııa, Chehııa, Shveıtsarııa, Ózbekstan men Qazaqstannyń 60 bilim berý uıymdary men kompanııalary qatysýda.